Chlaussprüchli 2020
Zum Samichlaus einen kleinen Rückblick:
(geschrieben von Elena Eberhard, vorgetragen nach der Probe von Janosch Wick)
So liebe Markus, do no wie versproche
Üses Johr uf paar Zeile abebroche
Wäg minere Quarantäne blibi hüt diheime
Drum tuet de Janosch do für mi reime
Wieder isches sowit
D’Prob isch scho vorbi
Alli hocked zeme do
Und reded über s vergangeni Johr
Wer het letzt Dezember denkt
Wohi üs de Virus lenkt
Zwunge worde simer zunere Pause
Aber wenigstens nöd bim Chlause
Noch Mönet ohni gemeinsams spilä
Tröfft mer sich nüm nur i dä Chilä
Mir probed zwor etz i vielne chline Gruppe
Sind aber alli zeme e veschworeni Truppe
Wie lang das no so witer got?
Wer weiss, öbs i de Sterne stoht
Mittlerwile probemer aber so witer
Denn wird üse Asatz immer fitter
De Dani het bis etz nöd viel z kritisierä
und cha drum recht locker dirigierä
Well mir alli so fliessig zeme tüend probe
Cha er üs jo nur lobe
Mit üsem Bläch, Holz und Perkussion
Tönts doch au guet ohni Saxophon
Bis zur nöchste Prob wünschi allne e gueti Zit
Und bringed bloss kei Corona mit
Blibed gsund und zwäg
Denn stoht de Wiehnacht nüt im Wäg